ਸ਼ੌਰਿਆ ਗ੍ਰੀਨ ਦੇ ਪਰਿਵਾਰਾਂ ਦੀ CM ਭਗਵੰਤ ਮਾਨ ਨਾਲ ਹੋਈ ਮੁਲਾਕਾਤ, 17 ਸਾਲ ਬਾਅਦ ਮੁਸ਼ਕਿਲਾਂ ਹੱਲ ਹੋਣ ਦੀ ਮਿਲੀ ਉਮ੍ਮੀਦ
ਫਲੈਟ ਰਜਿਸਟ੍ਰੇਸ਼ਨ, ਲਿਫਟਾਂ, ਪਾਰਕਿੰਗ, ਫਾਇਰ ਸੁਰੱਖਿਆ ਅਤੇ ਹੋਰ ਸੁਵਿਧਾਵਾਂ ਦੀ ਸਾਲਾਂ ਤੋਂ ਅਣਦੇਖੀ
ਮੁਲਾਕਾਤ ਲਈ ਰਿਹਾਇਸ਼ੀਆਂ ਨੇ ਨਿਤਿਨ ਕੋਹਲੀ ਦਾ ਕੀਤਾ ਧੰਨਵਾਦ
ਜਲੰਧਰ ( ਬਿਊਰੋ ਰਿਪੋਰਟ ) : 17 ਸਾਲ ਬਾਅਦ ਪਹਿਲੀ ਵਾਰ ਸ਼ੌਰਿਆ ਗ੍ਰੀਨ ਰਹਾਇਸ਼ੀ ਵੈਲਫੇਅਰ ਸੋਸਾਇਟੀ, ਸੂਰਿਆ ਏਨਕਲੇਵ ਦੇ 400 ਪਰਿਵਾਰਾਂ ਨੂੰ ਸੀ.ਐੱਮ. ਭਗਵੰਤ ਮਾਨ ਨਾਲ ਮਿਲਣ ਦਾ ਮੌਕਾ ਮਿਲਿਆ। ਇਹ ਮੁਲਾਕਾਤ ਨਿਤਿਨ ਕੋਹਲੀ, ਜਲੰਧਰ ਸੈਂਟਰਲ AAP ਇੰਚਾਰਜ ਦੀ ਲਗਾਤਾਰ ਕੋਸ਼ਿਸ਼ਾਂ ਦੀ ਕਾਰਨ ਸੰਭਵ ਹੋ ਪਾਈ ਹੈ।
ਸੋਸਾਇਟੀ ਦੇ ਪ੍ਰਧਾਨ ਪੀ. ਵੀ. ਐਸ. ਪਠਾਨੀਆ ਅਤੇ ਮਹਾਸਚਿਵ ਰਾਕੇਸ਼ ਬਹਿਲ ਨੇ ਲੰਬੇ ਸਮੇਂ ਤੋਂ ਸੁਲਝਾਏ ਨਾ ਗਏ ਮੁੱਦੇ ਜਿਵੇਂ ਫਲੈਟ ਰਜਿਸਟ੍ਰੇਸ਼ਨ, ਲਿਫਟਾਂ, ਮਲਟੀ-ਸਟੋਰੀ ਪਾਰਕਿੰਗ, ਫਾਇਰ ਸੁਰੱਖਿਆ ਸਿਸਟਮ, CCTV ਕੈਮਰੇ, ਕੰਧਾਂ ਮਜ਼ਬੂਤ ਕਰਨਾ ਅਤੇ ਅਪਾਰਟਮੈਂਟ ਦੀ ਮੁਰੰਮਤ ਸੀਐਮ ਸਾਹਮਣੇ ਰੱਖੇ। ਦੋਹਾਂ ਨੇ ਬਿਲਡਰਾਂ ਦੀ ਲਾਪਰਵਾਹੀ ਅਤੇ ਇੰਪਰੂਵਮੈਂਟ ਟਰਸਟ ਦੀਆਂ ਸਾਲਾਂ ਦੀ ਲਾਪਰਵਾਹੀ ਬਾਰੇ ਸੀਐਮ ਨੂੰ ਜਾਣੂੰ ਕਰਵਾਇਆ।
ਸੀ.ਐੱਮ. ਭਗਵੰਤ ਮਾਨ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਇੰਪਰੂਵਮੈਂਟ ਟਰਸਟ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਸਾਰੇ ਮੁੱਦੇ ਹੱਲ ਕੀਤੇ ਜਾਣ।
