ਜਲੰਧਰ ਤੋਂ ਭਾਜਪਾ ਦਾ ਸਾਂਸਦ ਆਉਣ ਤੇ ਅਧੂਰੇ ਕੰਮਾਂ ਨੂੰ ਪਹਿਲ ਦੇ ਆਧਾਰ ਤੇ ਪੂਰਾ ਕਰੇਗੀ ਮੋਦੀ ਸਰਕਾਰ : ਸੁਸ਼ੀਲ ਰਿੰਕੂ
ਹਲਕਾ ਫਲੋਰ ਦੇ ਗੜਾ ਰੋਡ ਵਿਖੇ ਸੁਸ਼ੀਲ ਰਿੰਕੂ ਦੇ ਹੱਕ ‘ਚ ਸਫਲ ਬੈਠਕ ਦਾ ਆਯੋਜਨ
ਜਲੰਧਰ (ਦਿਸ਼ਾ ਸੇਠੀ): ਭਾਰਤੀ ਜਨਤਾ ਪਾਰਟੀ ਹਲਕਾ ਫਿਲੌਰ ਵਿਖੇ ਜਲੰਧਰ ਲੋਕ ਸਭਾ ਤੋਂ ਭਾਜਪਾ ਉਮੀਦਵਾਰ ਸੁਸ਼ੀਲ ਰਿੰਕੂ ਦੇ ਹੱਕ ਚ ਸਫਲ ਬੈਠਕ ਦਾ ਆਯੋਜਨ ਗਾਵਾ ਫਾਰਮੈਸੀ ਗੜਾ ਰੋਡ ਵਿਖੇ ਕੀਤਾ ਗਿਆ। ਇਸ ਮੌਕੇ ਫਿਲੌਰ ਹਲਕੇ ਦੇ ਸਾਰੇ ਭਾਜਪਾ ਅਹੁਦੇਦਾਰ ਹਾਜਰ ਸਨ। ਇਸ ਮੌਕੇ ਸੁਸ਼ੀਲ ਰਿੰਕੂ ਨੇ ਕਿਹਾ ਕਿ ਪਿਛਲੀ ਸਰਕਾਰਾਂ ਨੇ ਸਿਰਫ ਗੱਲਾਂ ਕੀਤੀਆਂ ਨੇ ਪਰ ਮੋਦੀ ਸਰਕਾਰ ਨੇ ਜਰੂਰਤਮੰਦ ਲੋਕਾਂ ਤੱਕ ਸਰਕਾਰੀ ਸਹੂਲਤਾਂ ਪਹੁੰਚਾਉਣ ਦਾ ਕੰਮ ਕੀਤਾ ਹੈ।
ਉਹਨਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੂਰੀ ਤਰ੍ਹਾਂ ਜਲੰਧਰ ਵਿੱਚ ਅਧੂਰੇ ਕੰਮਾਂ ਨੂੰ ਪਹਿਲ ਦੇ ਆਧਾਰ ਤੇ ਪੂਰਾ ਕਰਵਾਉਣਗੇ। ਉਹਨਾਂ ਕਿਹਾ ਕਿ ਆਪਣੀ ਹਾਰ ਤੋਂ ਬੌਖਲਾਏ ਕਾਂਗਰਸੀ ਅਤੇ ਆਪ ਪਾਰਟੀ ਦੇ ਉਮੀਦਵਾਰ ਆਮ ਲੋਕਾਂ ਨੂੰ ਝੂਠੇ ਲਾਰਿਆਂ ਨਾਲ ਗੁਮਰਾਹ ਕਰ ਰਹੇ ਨੇ। ਉਹਨਾਂ ਕਿਹਾ ਕਿ ਇਸ ਵਾਰ ਜਲੰਧਰ ਲੋਕ ਸਭਾ ਦੇ ਸੂਝਵਾਨ ਵੋਟਰਾਂ ਨੇ ਭਾਜਪਾ ਨੂੰ ਜਿਤਾਉਣ ਦਾ ਮਨ ਬਣਾ ਲਿਆ ਹੈ। ਉਹਨਾਂ ਕਿਹਾ ਕਿ ਅੱਜ ਹਰ ਜਲੰਧਰ ਵਾਸੀ ਆਪਣੀ ਸੁਰੱਖਿਆ ਦੇ ਨਾਂ ਨਾਲ ਸ਼ਹਿਰ ਦੇ ਵਿਕਾਸ ਦੇ ਨਾਮ ਤੇ ਹੋਏ ਵਿਨਾਸ਼ ਲਈ ਚਿੰਤਤ ਹੈ।
ਉਹਨਾਂ ਕਿਹਾ ਕਿ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਵਿੱਚ ਭਾਜਪਾ ਨੇ 2014 ਅਤੇ 2019 ਵਿੱਚ ਹਾਸਿਲ ਕੀਤੇ ਪੂਰਨ ਬਹੁਮਤ ਨੂੰ ਪਿੰਡਾਂ, ਗਰੀਬਾਂ, ਵੰਚਿਤ, ਦਲਿਤ, ਮਹਿਲਾ, ਯੁਵਾ ਅਤੇ ਕਿਸਾਨਾਂ ਨੂੰ ਸਮਰਪਿਤ ਕੀਤਾ। ਉਹਨਾਂ ਦੇ ਸਰੀਰ ਦਾ ਕਣ ਕਣ ਅਤੇ ਜੀਵਨ ਦਾ ਹਰ ਸਮਾਂ ਰਾਸ਼ਟਰ ਦਾ ਵਿਕਾਸ ਅਤੇ ਗਰੀਬ ਕਲਿਆਣ ਨੂੰ ਸਮਰਪਿਤ ਹੈ। ਉਹਨਾਂ ਕਿਹਾ ਕਿ ਪਾਰਟੀ ਲੋਕ ਸਭਾ ਚੋਣਾਂ ਦੇ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਇਸ ਵਾਰ ਜਲੰਧਰ ਸੀਟ ਨੂੰ ਜਿੱਤ ਕੇ ਭਾਜਪਾ ਇਤਿਹਾਸ ਰਚੇਗੀ। ਉਹਨਾਂ ਕਿਹਾ ਕਿ ਭਾਜਪਾ ਦਾ ਇੱਕ ਮਾਤਰ ਟੀਚਾ ਸੱਤਾ ਸੇਵਾ ਦੇ ਨਾਲ ਨਾਲ ਵਿਵਸਥਾ ਪਰਿਵਰਤਨ ਕਰਨ ਲਈ ਹਮੇਸ਼ਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਮੌਜੂਦਾ ਸਮੇਂ ‘ਚ ਪੂਰੇ ਦੇਸ਼ ਵਿੱਚ ਰਿਕਾਰਡ ਤੋੜ ਵਿਕਾਸ ਦੀ ਲਹਿਰ ਨੇ ਵਿਰੋਧੀਆਂ ਨੂੰ ਚਾਰੋ ਖਾਨੇ ਚਿੱਤ ਕਰ ਦਿੱਤਾ ਹੈ।
